Lexus LX avtomobilinin satışı

Tam ötürücülü Lexus LX 450 cipi ilk dəfə 1995-ci ildə istehsal olunub. Avtomobil ramalı konstruksiyaya, 212 at güclü, V6, 4,6 litr həcmli benzin mühərrikinə və 4 pilləli avtomatik transmissiyaya malikdir.

3 ildən sonra LX 450 avtomobilin yerinə LX 470 gəldi – daha da şık görsənən bu avtomobilin salonuna rahat şəkildə 8 sərnişin əyləşə bilərdi. Qeyd edək ki, bu avtomobilə quraşdırılan mühərrik – marka tarixində ən güclüsü hesab olunurdu (234 a.g., 4,7 l.).

2007-ci ildə III nəsil LX debütlaşdırıldı. 470 modelin arxasınca Lexus LX 570 gəldi. Qeyd edək ki, yenilənmiş versiya öncəki modellərinin əsas üstünlüklərini saxlayaraq, bir neçə əlavə vacib xüsusiyyətləri dəyişdirdi. Bu modeldə, ən son elektron sistemlər quraşdırılıb. Avtomobilin ürəyi 6-pilləli avtomatik-tiptronik transmissiya ilə bərabər çalışan - 367 a.g./5,7 l., V8 mühərriki hesab olunur.

2012-ci ildə LX 570 reystaylinq versiyası işıq üzü gördü. Eksteryer və interyeri daha da müasir işlənməsinə baxmayaraq, güc aqreqatı dəyişilmədi.

Avtomobil bir neçə komplektasiyalara malikdir.

Sərfəli qiymətə Lexus LX 570 almaq istəyirsinizsə, Elan.az saytında təqdim olunan təklifləri dəyərləndirin. Elanların arasında müxtəlif buraxılış illəri və yürüşü olan avtomobilləri görə biləcəksiniz.

Bundan başqa, bu bölmədə tam pulsuz şəkildə öz elanlarınızı yerləşdirə bilərsiniz.